بسطيلة بالحوت و الفروماج

السلام عليكم ورحمة الله تعالى وبركاته اليوم احضرت لك سيدتي انستي بصطيلة بالحوت و الفروماج من اعداد الاخت امينة جزاها الله كل الخير وهذه هي مقادير الوصفة ; لاي تدخل او استفسار اتركوا تعليقا او راسلونا عبر صفحة الفايسبوك .

المقادير/

-كيلو قمرون منقي.

-كيلو كلامار مقطع دوائر

-2 كيلو هبرة السمك ( لوط أو إسبدون) مقطعين مكعبات

-1 كيلو شعرية صينية

- 100 غرام فطر أسود

- 100غرام فطر معلب

200 غرام فرماج محكوك

- الثوابل /ملح – معلقة صغيرة إبزار – معلقة كبيرة كمون – معلقة كبيرة فلفل احمر مطحون– معلقة صغيرة من الحرور – 2 معالقات كبار من الصوجا – عصير حامضة.

- 6 فصوص ثوم مفروم – 100 غرام زبدة

-ضامة البنة كنور(سمك)

 - 500 غرام ورقة البصطيلة – القليل من زيت الزيتون – معدنوس مفروم رقيق – ورقة موسى.

للتزيين / قطع الحامض و بعض حبات القمرون بقشوره و فرماج محكوك و 1 حبة فلفل احمر 

الطريقة/

-في القدر الخاص بالكسكس, ضعي الماء يغلي مع 2 فصوص الثوم و الملح و ورقة موسى.
-في الكسكاس , ضعي الكلامار و هبرة السمك من فوقه ثم الكروفيت ودردري عليهم الملح و غطيهم بقطع الحامض و اتركي الكل يطهى على البخار ثم اخدي 4 فصوص الثوم المفروم و أضيفي إليه عصير الحامض و التوابل و المعدنوس و زيت الصوجا و القليل من زيت الزيتون ثم رقدي فيه السمك مدة ساعة على الأقل... بعدها رقدي الفطر الأسود و الشعرية في المرق الموجود بالقدر ثم قطعيها و صفي الكل و أضيفي القليل من الزبدة للخليط والمعدنوس...ذوبي ما تبقى من الزبدةو فرشي أوراق البصطيلة في صينية الفرن و ذهنيهم بالزبدة. وضعي عليهم نصف مقدار الشعرية و دردري عليه الفروماج ثم ضعي فوقه السمك كله و ختمي بطبقة أخيرة من الشعرية و الفروماج.
-غلقي البصطيلة كالمعتاد بعدما تذهني الأوراق كلها بالزبدة و دخليها للفرن على درجة الحرارة 180 . ولما تحمر , دردري عليها الفرماج محكوك و دخليها للفرن مطفي حتى  يذوب الفروماج.

-ملاحظة : عند التقديم قومي بتفريش اوراق الخس على صينية التقديم وضعي فوقها البصطيلة 
و زينيها بالحامض و الكروفيت و الفلفل الاحمر.

و بالصحة و الراحة